“Сув танқислиги шароитида муқобил энергиядан фойдаланиб аҳоли томорқаларида етиштирилаётган қишлоқ хўжалик экинларини томчилатиб суғориш технологиясини жорий этиш”

Европа Иттифоқи томонидан молиялаштирилаётган, БМТ Тараққиёт Дастури (БМТТД) ҳамда Ўзбекистон Республикаси Қишлоқ хўжалиги вазирлигининг ҳамкорликдаги “Қишлоқ хўжалиги ва озиқ-овқат секторининг “яшил иқтисодиёт”га инклюзив ўтишини қўллаб қувватлаш ва иқлимга йўналтирилган қишлоқ хўжалиги билимлари ва инновацион тизимини ривожлантириш (EU-AGRIN)” лойиҳаси доирасида Ирригация ва сув муаммолари илмий-тадқиқот институти томонидан жорий йилнинг 27 ноябрь куни Тошкент вилоятиниг Оққўрғон туманида “Сув танқислиги шароитида муқобил энергиядан фойдаланиб аҳоли томорқаларида етиштирилаётган қишлоқ хўжалик экинларини томчилатиб суғориш технологиясини жорий этиш” мавзусида ўқув семинари ташкил этилди.

Мазкур ўқув семинарида Оққўрғон тумани хокими Тўра Боболов, Сув хўжалиги вазирлиги мутахассиси Туроб Қаюмов, EU-AGRIN лойиҳаси Инновацион гуруҳлар салоҳиятини ошириш бўйича мутахассислари Малика Икрамова, Тўлқин Юлдошев, Тошкент вилояти агрохизматлар маркази (AKIS) бўлим бошлиғи Обид Салимов, “Томчилатиб суғориш” инновацион гуруҳи аъзолари, Оққўрғон тумани фермер, деҳқон хўжаликлари ва томорқа ер эгалари кенгаши, Оққўрғон тумани Қўштепа МФЙ фуқаролари, сув хўжалиги вазирлиги мутахассислари, Тошкент вилояти қишлоқ ва сув хўжалигида фаолият юритувчи тизим ташкилотлари мутахассислари, ҳудудий агрохизмат маркази ходимлари, илмий-тадқиқот институтлари олимлари, мустақил тадқиқотчилар, маҳаллий экспертлар ва илғор фермерлар, дехқон хўжаликлари ва томорқа ер эгалари ҳамда оммавий ахборот воситалари ходимлари иштирок этишди.